خنتك ويعني؟!

مدري تناظرني وشلّي بغيته ؟
واقف على راسي تصوّت تنادي


لا تحسب إنك شي كبير وجفيته
قلبي أنا بْوادي وقلبك بوادي


كلمة وقلناها خَلَص ما وفيته
بكره تشوف الي يبيّض سوادي


خنتك ويعني ؟ ماني أول ذويته
واجد يخونون المحبّه وعادي


عاشر وكلّم من تبيه وهويته
فرقى الحبايب هو حكم عل عبادي


كفكف جروحك وافتهم ما خذيته
كمّل حياتك في عيونن جدادي


شف هاذي الدنيا كما مشتهيته
وانسى وفى وانسى كلام الودادي


زيف المشاعر كلّ ثوبه رميته
وأنت البلاد الي غزتها بلادي


اسمع كلامي زين .. خذ ما حكيته
ودّك تعيش ؟؟ القلب خلّه جمادي


وأرجوك قلبك لا يطوّل , نخيته
واقف على راسي يصوّت ينادي